السلام عليكم ورحمة الله وبركاتة
رجعت اكتب موضوع اسمرار مفاصل اصابع اليد والعناية بليد بشكل عام بالمدونه بشكل شامل وأرتب
اول شيء حابه انبه انو في اسمرار وراثه وفيه اسمرار ناتج عن اهمال اليد
سبب البقع بالاصابع الجفاف , الاحتكاك الكثير زي ( طقطقة الاصابع ) , استعمال الموية والصابون بدون ترطيب
استعمال كريم معطر او غير معطر وتعرضي يدك للشمس سبب رئيسي للبقع بيدك عموما نحاول نتجب الاشياء هاذي
بشرتي حنطيه فا يبان عليه اي تغيير بسيط على يدي جلست فتره اتضايق من اسمرار اصابعي
قريت فالنت خلطات وبلاوي ماقتنعت , وقتها كان عندي مقشر سوب اند قلوري
استعمله وفعلا انبهر ينعم وينظف يدي بشكل مو طبيعي قلت بنفسي ليه ما اسوي روتين
احاول افتح اصابعي ولو بنسبة بسيطه وفعلا وبعد ثلاث شهور بانت لي النتيجة :
قبل النوم اقشر يدي بمقشر سوب اند قلوري الفضيع طبعا منتجات سوب اند قلوري تلاقوها بصيدلية بوتس
مكوناته : الشوفان , زبدة الشيا , سكر
طبعا فيه اكثر من شكل للمقشر ومجربتهم كلهم وكلهم نفس النتييجه المرضيه
سعره اذا ماكنت غلطانه بحدود 80 ريال لو شايفه انو سعره غالي عليك استعملي اي مقشر محبب لك ويعطي نتيجه زينه
بعدها ارطب يدي بمرطب اليدين من سوب اند قلوري احبه لانو تمتصه يدي بسرعه
بس مستحيل استعمله برا البيت لانو معطر سعره برضو اتوقع حول 30 ريال ومنه حجم اكبر
اختاري المرطب الي يناسب ويريح يدك اهم شيء يكون خفيف
بعدها احط حول جلد اظافري زيت الجلد الميت من ايسي تلاقوه بصيدلية وايتس سعره اعتقد 50 ريال
واحرك الجلد حركات دائريه زي المساج برضو هذا الزيت يفيدني اذا كنت مهمله اظافري وسمر الجلد الي حولها
مره مو حلو شكله اذا حطيته مناكير فالحمدالله الزيت هذا فادني
بعدها نجي للشيء الفضيع صراحة واعتبره شيء خارق
الي هو كريم الاظافر والجلد الميت لليد شريته من ذا فيس شوب سعره ماتذكر
بس منه نوعين كريم يدين خفيف وهذا قوامه زي الفازلين مره ثقيل
احطي بيدي كميه واجلس ادلك يدي واحاول قدر الاماكن احرك الدوره الدمويه
ادري بعضكم مايحب قوام الفازلين الثقيل بس جد يعطي نتيجه جميله ونعومة فظيعه
اخر شيء بعد ماحطيت الكريم بيدي البس قلفز عشان مايضايقني وانام فيه واقوم وشوفو النعومه الي بتحسو فيها
القلفز هاذي شاريتها من بوتس قسم ادوارت الجسم اسمها BAMBOO SPA GLOVES
انو نوع قماشها يساعد اليد على الامتصاص سعرها 35 ريال
عموما لو حاسه مالها لزمه البسي اي قفلز يعجبك
وبس بكذا انتهيت من روتين عنايتي بيدي والمفاصل ان شاء الله اكون افدتكم
ولانسيت شيء ,,
طيب النتيجه بشكل عام توحدت عندك المفاصل بعد ماكانت مسمره ؟ لأن انا مشكلتي هالمفاصل وحول الظفر لدرجة ما احب احط لي مناكير لانها تبرز الاسمرار :(
ردحذفجميل روتينك راح أجربه أنا مشلكتي في اليدين
ردحذفأبخل أنه اهتم فيها
يا دوب أسوي لها تقشير و ترطيب لكن كتغدية مقصرة جدا
الله يعافيك إستفدت من تجربتك
طيب كيف أعرف انو سبب الاسمرار وراثه هل فيه تحليل ولا وشكرا
ردحذف