زيت جدايل

السلام عليكم ورحمة الله وبركاته 

التدوينه اللي اخذت وقت احكم عنها واخرتها كثير اخيرا نزلتها لول !

زيت جدايل له خمس او اربع انواع اذا مو غلطانه ومكان الشراد عبدالصمد القرشي

سعره ٧٠ مو متاكده مره وله شكلي قزاز متوازي الاضلاع وقزاز مع ضغاط كلهم نفس الشيء اختلاف المظهر بس

نبذه :

زيت جدايل عباره عن خمس زيوت طبيعيه مدموجه من زيت الزيتون والصبار والخ تلاقوها بالورقه اللي تجي معاه

كثير هالزيت اشتهر منه نوع اللي تطويل شعر ولونه احمر بشكل فضيع المدح والتجارب 

لاكن انا ابدا مافكرت اخذ حق تطويل الشعر لانو ماحتاجه اخذت حاجتي اللي هم نوعين 

زيت جدايل مانع تساقط شعر + مقوي شعر 

تنويه قبل استخدام الزيت :

مو اي زيت ينحط على فروة الراس لانه الزيت ثقيل جدا فا لو بنكرر الاستخدام 

تصير في بويصلات الشعر حقتنا اكياس دهنية وتطيح الشعر وتموت البويصله 

فا دايم حطو ببالكم انو زيوت الشعر للفروه تختلف تماما عن زيت الشعر اللي للاطراف !!

طريقة استخدامه :

احطه على شعر جاف وبس بالفروه مو كامل شعري واخليه على راسي ساعه واتروش زين واخذ راحتي وانا انظف راسي

حطيت لكم بالانستقرام فيديو مسرع كيف احط الزيت عالجذور واسوي مساج بالزيت واحاول ادفيه  

لانه كل مادفت فروة راسك تفتحت مسام الشعر وامتصت الشعر ازين 

يعني : اذا مره مره تبغي فروتك تكون جاهزه للزيت خليك بالحمام وانتي تتجهزين لترويش جسمك

خلي الحمام ينكتم ببخار الموية الحار هذا يعتبر حمام بخار لفروة الراس وتتفتح 

بس لاتكثرو من هالحركه مره بالشهر تكفي !

وهذا فيديو اوضح كيف انا اوزع الزيت على فروتي واسويلها مساج 

https://www.youtube.com/watch?v=4JSaMmPMmy8

ملاحظاتي عالزيت ورأيي فيه :

انا طبعا اول شي بديت بزيت مانع تساقط للشعر وللحين ماخلصته وماينفع اتستخدم زيتين بنفس الوقت

انا طبيعة شعري اذا تروشت يطيح شعري هذا شي طبيعي بس ابغى احاول اخفف من تساقط الشعر 

لانه الشعر الطبيعي فاليوم يطيح منه ١٠٠ الى ١٥٠  شعره وانا صدقيا صدقيا جمعت شعري وجلست اعدهم 

٩٠ شعره تطيح مني يوميا فا قلت ليه ماحاول اني اخفف منها !!

من اول استخدام لي انصدمت من الزيت مافي ولاشعره نزلت من راسي وانا اتروش !!!

خفت قلت يمكن انصدم راسي اول مره ادلعه واحطله زيت رحت امشط شعري 

نزل بالمشط حول العشر شعرات بس ..

الترويشه الثانيه نفس الشيء اناظر بالمشط زاد عدد الشعر تساقط ٢٠ بس !!

من اول استعمال الى هاللحظه اقصى عدد وصلتله بالتساقط هو ٦٠  متخيلين يعني خف نسبة تساقط ٣٠٪ !!!!

والله يابنات فضيع هالزيت + شعور النظافه بعد الترويشه اللي احسه بفروة راسي فضيع 

المس فروتي احس الشعر ناعم ويتنفس مو زي اول هابط !

وهاذي تجربتي بالكامل مع الزيت انا لي شرين استعمله بس اخلص العلبه حقة مانع التساقط ببدا بمقوي الشعر 

اتمنى اكون افدتكم وحطو ببالكم كل فروه عن فروه تختلف فا مو كلكم ممكن تلاقو نفس النتيجة اللي حصلتها !