Hand routine

السلام عليكم ورحمة الله وبركاتة 

رجعت اكتب موضوع اسمرار مفاصل اصابع اليد والعناية بليد بشكل عام بالمدونه بشكل شامل وأرتب

MAC studio moisture tint spf15

السلام عليكم ورحمة الله بركاته 

من زمان عن البلوق صح :( !!

عموما بما انو حمستوني اتكلمك عن الشيء المفضل عندي للشهر هذا الي هوا 

MAC studio moisture tint spf15

FACE MASK

السلام عليكم ورحمة الله وبركاته 

متأخره صح ؟ عارفه بس صادف الاسبوع هذا وقت اختبارات الميد تيرم حقتي :(

ماعلينا زي ماقلت بتكلم عن اقنعة الوجه ايش فايدتها وانواعها وايش الافضل لبشرتك ..

فكرة الماسكات انها تساعد على نظافة الوجه ونضارته مع روتينك اليومي للوجه

يعني مثال للفوائد الماسك !!

يكون روتين تنظيف واهتمام لشرة وجهك حلو بس تقولي بشرتي ماتستفيد او تتغذى في كريم 

الترطيب او وجهك يتوصخ وترجع الشوائب والقشور والرؤوس السوداء بسرعه ؟

شيء طبيعي لانو روتينك يعتمد عالمظهر الخارجي ينظف يشيل الوصخ ويرطب وخلاص 

بس في شوائب ووصخ يكون اصلا تحت بشرة الوجه ومسام الوجه 

فا وظيفة الماسك ينظف داخل مسام الوجه وخارجه

معلومه بسيطه قبل ما ادخل بانواع الاقنعه لو نلاحظ الفتره ذي صايرين البنات

والحريم يروحو لاشياء مكلفه زي ابر النظاره والشد ونفخ و و ..

ليه نكلف على نفسنا ونروح لاشياء مانحتاجها وهي موجود عندنا

لو الواحد مهتم بنفسه من الاول ماراح يحتاج يروح لدكاتره وابر و و 

لاتفوتي شيء من عمرك واذا صرتي في ال 40 تقولي ليه وجهي ذابل ومجعد وتعبان 

انتي في سن وجهك وبشرتك تتقبل كل شيء وتطلعلك نتيجه عكس الحريم الكبار 

يعني مثلا اشوف بشرة ماما صايفه وحلوه ماشاء الله وبالنسبه لعمرها المفروض تكون اسوء من كذا

بس لانو تغذيتها نظيفة نظافتها الشخصيه اهتمامها بنفسها عكس عليها على مر الزمن

كل الي ابغى اقوله مافي بنت ماهي حلوه بس مع الاهتمام والنظفه تبرز جمالها بجميع النواحي

الحين نجي تكلم عن الماسكات اول شيء بحط كذا صوره لاشكال المختلفه للماسكات

 

العناية بالاظافر nail care

السلام عليكم ورحمة الله وبركاته 

بوست اليوم الي هو العنايه بالاظافر

طيب الحين الاظافر بجميع اشكالها سواء كانت قصيره او طويله عريضه او نحيفه

تواجهه نفس المشاكل الي هي ضعف قوة الاظفر صفار اللون الجفاف والاهم الجلد الميت حول الظفر

دائما ما الاحظ بنات تكون ماهي حول اظافرها ولا هي الي تهتم فيها الاهتمام المطلوب

بس اذا جيت وركزت في اظفرها قوي ماينكسر بسهوله وتطول بسرعه ؟!

عادي وقتها كنت اقول  اوه ياربي انا اتعب واشقى وغيري متبطح واظافره بيرفكت

بس الي عرفته انو غالبا ماتكون وراثه من الاهل ممكن انا تكون اظافري رقيقه واختي غير عني

عادي جدا وطبيعي غير كذا برضو الاكل يلعب دور في قوة الاظفر والمده الي يطول فيها 

بس برضو مو معناته انا اظافري رقيقه خلاص اتركها واقول والله وراثه لا فيه اشياء محفزه وتساعد

ظفرك انو يطول بسرعه يقوى بنبسه معقوله وغير كذا نظافته ومظهره العام 

الحين بشرح بشكل مبسط جدا جدا وش الاشياء الي تفيد وتضر الاظفر وايش تحتاجي

 

 طيب حطي ببالك انو اكثر عدو للاظفر الي هو المويه يعني تتجنبي المويه بقدر الامكان 

الا اذا طبعا انتي ربة منزل عادي القلفز حل بسيط غير كذا تجي المناكير والاستون ( مزيل المناكير )

شوفي كم طبقه تنحط على اظفرك من المناكير الي تستعمليها غير كذا يجي بعدها مزيل المناكير 

طبيعي جدا بيجي الاظفر جفاف مو صاحي وجلد ميت حول الاظفر كويس اذا مانتحر 

ولاهو معقوله بنت ماتحب المناكير او تحطها وفي نفس الوقت نمسحها 

طيب المويه وقلنا نحاول نتجنب ملامستها للاظفر بقد المستطاع المناكير برضو لها حل تخفيف ..

ثلاث اشياء مهم تكون عندك عشان تكون عندك اظافر نظيفه وترضيك وبنفس الوقت تحمي اظفرك

base coat - top coat - cuticle oil

base coat  : الطبقه الي تنحط عالاظفر قبل المناكير عشان يحمي اظفرك من لون المناكير

الشيء الي يريحني فيه كثير اول اذا حطت لون مناكير من درجات الاحمر والعنابي اذا جيت امسحها

متعبه تبقع فالاظافر وبصعوبه يروح الحمار من اظفري فا البيس كوت حل لمشكله زي كذا

top coat : التوب كوت الطبقه الي تنحط بعد المناكير تحفظ لك لون المناكير وتعطيك لمعان

cuticle oil : زيت لمعالجة وزالة الجلد الميت هذا اهم شيء وينحط قبل الكل دايم حول الاظفر

نلاحظ بجفاف بالجلد وتقشرات كذا تحسي جلد زي الارض الجافه هنا يجي ور الزيت نحطه عالجلد 

الي حول الاظفر من فوق وعالجوانب ونحاول نمسحه بحركات دائريه في اللحظه هاذي

فيه عمود او اين كان اسمه بعد شوي بوريكم شكله وظيفته انو اذا وزعتي الزيت وانتهيتي

تاخذي الاداه هاذي وتحال تدفي الجلد الي عند اظفرك من فوق مره مهمه الحركه هاذي

منها تعطيكي مساحه اوسع للظفر ومنها تبعد الجلد وتحرك الدوره الدمويه وتساعد الاظفر يطول اسرع

الحاجه الاخيره الي هي كريم ترطيبك حق اليد حاولي يكون عندك كريم ليدك معين 

كيف يعني معين ؟ يعني لليد وللاظافر في نفس الوقت مثال زي كريم اليد حقي الصغنون الي بالصوره

شريته من ذا فيس شوب لليد وبرضو للاظافر لانو فيه نسبه زيت حقة الجلد الميت كذا 

يصير غذيتي يدك واظفرك بنفس الوقت وعادة ما اذا جيت انظف اظفري ويدي وقشرتها

احط الزيت على الجلد الي حول اظفري وارطب يدي بالكريم والبس قلفز صوف وانام

ماتتخيلو قد ايش بفترة النوم يدي واظافري تتشبع وتمتص الكريم بشكل خيالي جربوها ماراح تخسرو شيء