Foot care & routine ♥
السلام عليكم ♥
تدوينة اليوم زي ما انتو شايفين عن العناية بالرجلين و طريقة البوديكير الصحيح لها
راح ابسط التدوينه قد ماقدر باقولكم وش لازم تسوون وايش الاشياء اللي لازم تبعدو عنها ..
طبعا مايخفى عالكل انه اكثر شيء مهملينه رجولنا مع انو هي اكثر شيء ينكرف بجسمنا !!
قبل ماقولكم طريقة العناية بقولكم اشياء تبعدو عنها :
١- المشي بدون شراب او سليبر عالارض والسيراميك هذا اكثر شيء يسبب جفاف وقشور بالرجل
٢- الجلسه الغلط زي ( التربيعه ) هاذي سيئه جدا لكعب الرجل وتسبب سمار للكعب بشكل فضيع
٣ - الموس حق البوديكير : اي مشغل ا، احد ينصحك انك تشيلي قشور باطن رجل بموس اعرفي انه
رجلك بدال ماتنظف راح تنعدم اكثر مررره قوي على الجلد لا تفكرو تستخدموه !!
٤- طبعا واكيد اللي هو عدم الترطيب اقلها اول ماتصحي او قبل تنامي ادهني رجولك والبسي شراب ونامي يفرق كثير !!
الحين نجي لطريقة تنظيفها لو رجلك متضرره كثير سوي هالطريقه كل ويكيند مره ، واللي رجلها قشورها وجفافها خفيف مره وحده كل اسبوع :
١- نقعي رجلك بمويه دافيه عشان يلين الجلد ابدا لاتقشري جلدك وهو جاف + لو تعاني من الريحه القويه برجلك حطي ملح
( الملح يساعد انه يمتص العرق والروائح )
٢- بعد مانقعتي رجلك وزعي المقشر على رجلك وافركيها فرك طبيعي مو عنيف
٣- ناخذ بلكة التقشير و نفرك فيها الشقوق والقشور اللي باسفل الرجل خذي راحتك وانتي تفركي لاتستعجلي ولاتقسي مره
٤- ناخذ عصاه المبرد ترا انا مسميتها من مخي كذا وبرضو نبرد فيها القشور + انا شخصيا افرك فيها اعلى رجلي تفتحها
٥- اخذ الاداة اللي تجي زي الفرشه او المشط وامشط فيها رجلي من فوق وتحت يمين يسار مره احبها
تشيل الطبقه الميته والسمرا اعلى رجلي ومن تحت توخر القشور والوصخ اللي طلعتيه
٦ـ ابردي اظافر رجلك وخليها شكل متساوي والله يلعب دور بجمال الرجل عكس الاظافر المهمله !!
٧- نشفي رجل ورطبيها بمرطب ثقيل ويفضل فيه زيت زيتون لو مافيه انتي اضيفي نقطه زيت زيتون عالمرطب حقك
٨- البسي شراب وخلاص ارتاحي خلي الرجل تاخذ فرصتها تمتص الكريم والزيت
طيب الادوات المذكورة فوق صورتها لكم :
١- البلكة اللي ذكرتها وقلت انو افرك واقشر فيها
٢- المبرد اللي سميته من مخي افرك فيها اسفل واعلى القدم
٣ـ الفرشه اللي انظف فيها وامشط رجولي فيها يمين يسار
٤- هاذي مالها دخل وماذكرتها بس قلت اصورها بما انها جايه مع الادوات هاذي تسويلك مساج لاسفل القدم
المجموعة هاذي شريتها من سوبر ماركت المزرعه زمان بس كثير اماكن تبيع ادوات البوديكر للرجول
( نزيه ، سنتر بوينت ، زهور الريف ، ذا بودي شوب )
وصح نسيت اقولكم انه المقشر اللي استخدمه لرجولي من بودي شوب ازرق مخصص للرجول
اضافات :
الكريم اللي استخدمه ليديني ورجولي ومره احبه من ذا فيس شوب ترطيبه عميق ومكون من الزيت الزيتون واللوز
ولو انتي رجولك تعرق كثير فالمشي وتطلع ريح بخاخ ذا بودي شوب
برضو حلو يوازن العرق وريحته منعشه ابخه قبل البس الشراب
وبس هذا تقريبا كل شيء يهمكم ويفيدكم لو نيسيت شيء برجع اعدل الموضوع ولو عندكم سؤال
اسئلوني هنا او بالانستقرام وان شاء الله اجاوبكم ♥
موضوع رائع يعطيك العافية
ردحذفموضوع رائع يعطيك العافية
ردحذف