السلام عليكم ورحمة الله وبركاته ♥
تارارارا اخيرا قررت آنزل هالبوست عن روتين عنايتي ببشرة وجهي
دايم دايم تسئلوني غادة ايش احسن مقشر او احسن غسول وألخ ..؟ مافيه شيء اسمه افضل منتج معين
فيه شيء اسمه هذا يناسب نوع بشرتك ، لو ماتعرفي نوع بشرتك انا هنا متكلمه بشكل مفصل عن البشرات > ♥
انا بالنسبه لي بشرتي متقلبه على حسب اهمالي ونظافتي مده مختلطه مره عادي ومره دهنيه عادي
ترا الواحد مايجلس طول عمره بنوع بشره واحد بس لازم نعرف كيف نتعامل معهم !!
ثلاث اشياء مهمه وضروري تكون عند اي بنت :
١- مقشر ، ٢- غسول ، ٣- تون ( قابض مسام ) برضو تكلمت عنه هنا بشكل مفصل ووظيفته > ♥
السؤال الاهم احنا ليه نحتاجهم و نستعملهم :
١- المقشر يشيل القشور وينظف الرؤوس السوداء المتراكمه على سطح البشره يعني يتعامل بشكل خارجي
٢- الغسول بعد ماقشرنا الوجه تفتحت المسام يجي الغسول يتعمق لداخل البشره وينظف اي وصخ وبقايا ميك اب تشربتها البشره
٣- التونر بعد ماقشرنا وغسلنا وجهنا اكيد بشرتنا بتكون فرش والمسام متوسعه وتستقبل اي وصخ
فا لو ماحافظنا عاللي سويناه وقفلنا المسام وشدينا البشره بتونر هنا بيجي الوصخ عالمسام النظيف ويتضاعف حجمها !!
اسئله منرفزه ،متكرره اقراها :
انا زواجي بعد كم شهر وابغى شيء يبيضني ؟
انا فيني اثار حبوب كيف اوخرها ؟
وجهي كانه وجه عجوز وش الحل ؟
بالنسبه للي تعيش سنين مهم له نفسها وقبل كم شهر من زواجها وتصحى حل سحري يصلح كل شي ( لن يصلح العطار ما افسده الدهر )
وبالنسبه لاثار الحبوب يبغالها طولت بال اول شيء اي حبه تطلع بوجهكم ماتروحو تفقعونها ياشطار !!
ونفس الفكرة للي تقول وجهها وجه عجوز والله من قل شرب المويه والترطيب وتنظيف البشره ..
ماعلينا نجي الحين اقتراحات لمقشر وغسول لكذا نوع بشره :
البشره الدهنيه والمختلطه /
طبيا وعن تجربه يمحي ابو الزيوت والدهون غسول الجل من إفين وهذا شكله
برضو فيه من بايوديرما لونه آزرق وفيه من كلين اند كلير ونتيروجينا للبشره الدهنيه
مقشر ارشحه /
سانت ايفز ، بايوديرما ، مقشرات نيتروجينا
الغسول الاستعمال يكون يومي المقشر انا شخصيا يوم ايه يوم لا
البشره الجاف /
ما انصح استعمال مقشر راح يجفف البشره اكثر ويجرحها
بالنسبه للغسول دايم البشرات الجافه غسولاتهم تكون رغويه او على شكل حليب
فيها ماركات طبيه كثير ( افين ، بايوديرما ، سوسكن ، لانكوم )
ادخلو الصيدليه ودورو غسول رغوي او مستحلب < اختصرت على نفسي ههههههههههههههه
استعمال الغسول مايفضل يوميا يوم ايه او لا ومتى ماتحسي بشرتك ماتحتاج غسول اتركيه كم يوم
البشره الحساسه /
قسم بالله اني ارحمهم شكثر يعانو :(
الزبده كل شيء تاخذوه لازم يكون خالي من الكحول والعطور ومخفف
وشركات طبية زي افين تخصصها البشره الحساسه المتهيجه ماقد خيبة ظني فيها هذا وانا بشرتي مختلطه !!
النهاية:
الاهم بعد كل هذا الترطيب ثم الترطيب ثم الترطيب !!
النظاره توحيد اللون ازالة الاثار كلها معتمده على ترطيبك ونوع الكريمات المستخدمه
ويفضل يكون عند كل بنت سيروم فيتامين سين لانو يعمل على تجديد الخلايا والنضاره
بتسئلوني وش افضل كريمات بعد ؟ هذا موضوع اخر ويبغاله تجارب دقيقه
وبس سلامتكم ..
* عشان تروحو لموضوع التونر وانواع البشرات اضغطو عالقلب
مشكور هخيتو دايكم استناك تنزلين شي
ردحذفالمدونه ماتدرين قد ايش افرح لمن اشوفك
منزله تدوينه احبك غاده : )