السلام عليكم ورحمة الله وبركاته
تدوينة اليوم باتكلم فالبدايه عن تجربتي الشنيعه مع سحب اللون
( لو مايهمك القصه والاضرار اللي جت شعري تعدي السالفه )
بعدها باكتب اكثر اشياء فايدتها ملحوظه على شعري حتى وهو متدمر من سحب اللون !!
قبل سنة بالضبط انا قررت اسوي نيو لوك !!
وغلطت الشاطر بالف للاسف لول :/
- المهم باختصار سحب اللون سبب لي فراغ بمقدمة راسي من عند الفرقه
- شعري فعليا فعليا بدون مابالغ المشط ينشب فيه
- الملمس والله ثم والله انه زي ملمس خيشة الرز :(
انا بالحاله ذي فعليا خلاص حطيت هدف باوصله والي هو ضروري تفهميه
( انسي الشعر المثالي ياغاده )
انا الحين ابغى الحق على فروة راسي لاتتدهور اكثر + ابغى شعري يتغذا عشان يطول
لانه لو تركته على الحريقه الي كان فيها مستحيل يطول !!!
حطيت الحين الخطه الي هي الممنوعات :
- اي جهاز حراري ( سشوار ستريتنر فير ألخ )....
- الامشاط المسننه المتقاربه
- الشاور يوميا
هاذي كلها رحمت شعري منها ، اما بالنسبه للشاور لانه خلقه شعري كان ميت جاف
كنت اروش شعري يوم ايه يومين لا كثرة الترويش بتزيد التساقط
+
بنفس الوقت كثرة الزيوت المتراسبه عالفروه مو زينه فلازم اعدل بين الاثنين
الضروريات :
- زيت جوز هند
- خل التوت
- معالج الاولابلكس
- الهير ميثود ( طريقة التمشيط الصحيحه للشعر )
- كل ثلاث اسابيع اقص اطراف شعري
هاذي الاشياء الي سويتها لشعري طول فترة علاج شعري غيره اكذب عليكم لو اقولكم فاد
بسحب لون او لا هالاشياء زينه مره مره لشعوركم *ماعادا المعالج هذا بس للي يسحبو لون
زيت جوز الهند :
اتوقع تعبتو من كثر ما اقولكم انه فضيع فضيع لشعر من نعومة
من تخفيف نفشه ويعطي لمعه حلوه ويغذي فروه كويس
كل ويكيند لازم ازيت شعري فيه ماستغني عنه !!
خل التوت :
بنات صدق صدق الي تدور تنظيف لفروة راسها ولمعه لشعرها تشتريه
ماعندكم سالفه لو ماجربتوه والله والله على انه للحين اطراف شعري متقصفه
بس فروتي وباقي شعري لمعته واضحه وصحيه يجننن يجنن
تلاقونه بمحل ايف روشيه سعره حول ال ٤٠ ..
طريقة استعماله باخر خطوه فالشاور حقك وزعيه علو فروتك وباقي شعرك وسوي
مساج باصابعك لفروة اسك دقيقتين واشطفيه بالمويه بس
معالج الاولابلكس :
هذا سويته بمشغل vogue salon
يبرد على الفروه المحترقه ويخلي ملمس الشعر ناعم شوي
بس ترا مؤقت مو علاجي اسبوع ويروح الجلسه ب ١٥٠
بس انا عشان شعري حالته كان يرثى لها كنت اريح راسي شوي يهديه
الهير ميثود :
كثير كتبو وخربطو عنه بس انا باقولكم الزبده لو تبغون فكره بشكل اوسع اكتبو وبتشوفو
hair inversion method
الفكره باختصار طريقة تعاملك في تمشيط شعرك هي عامل اساسي بنسبة ٨٠٪
بانه شعرك يطول بسرررررعه ويتحفز يطلع اسرع
يعني اذا جيتي تمشطي شعرك يوميا حركيه اتجاهات عكسيه
امشطي شعرك الي جهة اليمين وامشطيه عكس مره يسار مره على ورا
اهم شي انه الشعر يتمشط عكس اتاجهه
وحرصي على هالحركه وانتي مزيته شعرك اكثر
والله ثم والله ماخلى شعري يطول الا هالحركه لاتستغربون
كنت اخذ ربع ساعه في تمشيط شعري بدون مبالغه اهم شي يرتااااح يرجعلي شعري !!
قص اطراف الشعر :
هاذي مايحتاج لها ضروري الكل يقص الاطراف عشان في حال
كانت اطراف شعرنا متقصفه نقص منها شوي بحيث مايطلع التقصف لفوق اكثر
اشياء جانبيه :
لول مراحل شعري المسكين من فوق عاليسار الين تحت عاليمين الحمدالله صار فيه لمعه
وطال اول كان الين حد اسفل الرقبه ( ترا شعري مو متساوي لانه كان فيه اماكن محروقه مره
اضطريت اقصه بشكل عشوائي )
هالمشطين ماقدر استغني عنهم ولا اكتفي بواحد بس !!
اول ماخلص شاور وشعري مبلول امشطه باللي عاليمين المسنن بس واسع مو ضيق
عشان ماينتف الشعر مررررره كويسه الي شكله كذا !!
اليسار اموت بالمشط هذا يتحرك مع الشعر بسهوله ماينشب ورقيق عالشعر
لو جربتوه بتفهمو وش اقصد تلاقوه بصيدلية وايتس :/
هههه معليش كنت مستعجله وانا اصورهم المهم ..
هالاثنين تجميليه وعلاجيه بنفس الوقت
يعني مجرد تقطيعهم بيرجعك زي ماكان
عاليمين بخاخ افوجين تركيز ٥٪ يطلع شعر صدق صدق ترا ماكذب
بعد شهرين بتلاحظو الكل تجاربه كويسه معاه ( بس فيه ناس يقولو كثر شعر وجهم )
انا ابدا ماصارلي هالشي تستعملوه بختين باليوم قبل النوم واول ماتصحون وتمسجون فروتكم
اذا بتقطعوه اقطوع تدريجي عشان مايطيح الشعر مره وحده
يعني بدال البختين بخه حبه حبه الين توقفيه
عاليسار زيت ارقان اطراف شعري بعد الشاور وشعري مبلول
اوزعه بيدي يغذي اطراف شعري ويخفف النفشه حلو صراحه سعره حول ال ٦٠
من صيدلية وايتس اخذته
وهذا كل شيء اكيد مايحتاج اذكركم قبل كل ذولي ( تغذيتك + نفسيتك + مكملاتك من الفيتامينات )
اشياء ضروريه مايفيد شيء بدون ماتتاكدي منها
شككراً غاده الجمييله��❤️❤️❤️❤️
ردحذفيازيييييينك
ردحذف